A

Acui «

Forta, densa (acumi), senaĝia. Ĝenerale estas uzata en jenaj kontekstoj:

• Ŝtonoj en supera, forta formo.

• Havante superan eksteran influon (gaisei).

• Havante superegan kvanton da teritorio (ĝi).

Acumi «

Denseco, dikeco; eco de tabula regiono, kie unu flanko (koloro) estas tiom pli forta (densa) ol la alia, ke ĉiu ŝtono de oponanto metita en tiun regionon povas pli-malpli facile esti kaptita.

Ekzemplo estas montrata en la diagramo: post sinsekvo nigra 1 ĝis nigra 7 Nigro estas tre densa en la areo limigita per x-oj.

Acusa «

Pli abstrakta termino ol acumi (denseco); intensigo de acumi.

Acuŝo «

Grandioza, multpoenta venko.

Agehama «

Sinonimo de age-iŝi, hama.

Age-iŝi «

Kaptitaj (mortintaj) ŝtonoj, kiuj estas jam forprenitaj de go-tabulo. Komparu kun ŝini-iŝi (mortontaj ŝtonoj). Sinonimo de agehama kaj hama.

Ago (あご) «

Mentono; atako diagonale desuben kontraŭ alikolora ŝtono aŭ du ŝtonoj metitaj diagonale; speco de kado. Ĝenerale estas ludata sur la tria aŭ kvara linio. Blanka 1 en la diagramo estas ago rilate al la markita nigra ŝtono. Vidu ankaŭ kobin (frunto).

Aĝi (味) «

Eblo atingi ian favoran rezulton, viviĝi, kapti, tranĉi, eskapi ktp. potence enhavanta en certa pozicio. Kvankam tiuj ebloj foje neniam realigas, ili influas la disvolviĝon de la partio kaj permesas fari certajn movojn.

En la supra diagramo la markita blanka ŝtono estas kaptita, sed ĝi ebligas al Blanko eskapi per 1, ĉar Nigro ne povas tranĉi sur a.

Sube: se Nigro tamen provas, la aĝio de la markita blanka ŝtono realigas: Blanko povas kapti kelkajn nigrajn ŝtonojn per 6 kaj 8 kaj vivi en la angulo.

Esperantaj terminoj: aĝio, ĝermo, viruso, ebl(ec)o, potenco, aromo, gusto (laŭvorta traduko el la japana; evitinda).

Aĝi ga aru «

Pozicio enhavas aĝion.

Aĝi ga ii «

Ĝermo; bona, favora aĝio, kiu povas fariĝi uzebla.

Aĝi ga varui «

Viruso; malbona, malfavora aĝio en propra pozicio; ebla malfortaĵo.

Aĝi karai «

Formo sen malbonaj aĝioj.

Aĝi-keŝi (味消し) «

Misdevigo; ĝenerale malbona deviga meto, kiu detruas aĝion.

En la diagramo Nigro povus atarii sur a, kaj poste ludi b. Nigra 1 estas aĝi-keŝi, ĉar ĝi detruas tiun eblon. Post blanka 2 nigra a ne plu estos atario kaj tial Blanko respondos sur b.

Ofte estas malfacile fari distingon inter kikaŝi (devigo) kaj aĝi-keŝi (misdevigo).

Aĝi no kori (味残り) «

Postlasante aĝion.

Aĝi varu (味悪) «

Vidu aĝi varui.

Aĝi varui (味悪い) «

Malbona aĝio; viruso.

Aĝivai ga aru «

Gustoplena, gustuminda.

Ai «

Sinonimo de ŝiro (Blanko).

Ai-gosumi «

Dum Edo-erao (1603–1868) tre populara ĝooseki (modela sinsekvo) montrata en la diagramo. Nuntempe apenaŭ ludata.

Aja «

Nuanco, ebleco; malofte aŭdata termino simila al aĝi (aĝio); esprimas la ideon, ke la pozicio povas esti plimalfaciligita.

Aki-sankaku (空き三角) «

Vaka triangulo, vaka tri; tipa neefika formo konsistanta el tri ŝtonoj kuŝantaj angule, kiel la markitaj en la diagramo. Gravas, ke ne ekzistas ŝtono en angulo (ekz. sur a). Vidu ankaŭ guzumi.

Aki-sumi (空き隅) «

Vaka angulo; angulo, en kiun la ludantoj ankoraŭ ne metis ŝtonon. Ekz. en partio montrata en la diagramo liva suba angulo restis aki-sumi dum pli ol 134 movoj (8-a LG Cup, 3-a partio; Ji Ch'ang-ho 9p (Blanko) kontraŭ Mok Chin-seok 8p.)

Akuŝu «

Malbona meto, mismeto, movaĉo. Komparu kun kooŝu⁽¹⁾.

Amai «

• Ne sufiĉe severa (laŭvorte: dolĉa). Meto, kiu ne atingas plejeblan en certa pozicio.

• Nesufiĉa; ĉefe se temas pri teritorio kiel en la frazo ĝi ni amai, kiu signifas "ricevante nesufiĉe da teritorio".

• Tro malforta rilate al rango, kiun oni havas.

Amari «

Taktiko konsistanta el allogo komenci nepreparitan atakon, kies rezulto fariĝas amari-gataĉi (vrako).

Amari-gataĉi «

Vrako; formo, kiu restis post malsukcesa atako per kiu oni ne atingis multe.

Amaru «

Troigi; fari meton, kiu ne funkcias; meti tro agreseme aŭ tro optimisme.

Amasareru «

Esti instigita ludi amaru (troigi).

Amasu «

Instigi la oponanton ludi amari (troigi).

Amaŝi «

Strategio unue okupi multe da teritorio dume postlasante aliloke malfortajn grupojn kaj poste elteni la atakojn de oponanto. Ĉefe estis uzata de Blanko en ludoj sen komi (kompenso).

Amaŝi no giho «

Strategia koncepto, speco de amaŝi; permesi al la oponanto ataki ŝtonarojn kiuj ŝajne estas en danĝero, sed esti certa, ke oni mem (pro supera teknika scipovo) trovos rimedojn por eskapigi ilin. La atakanto estas tentita bazigi sian strategion sur kaptado de la grupoj, sed kiam li ekkomprenas, ke tio ne eblas, li povas nur akcepti, ke li akiris nenion (arimasen).

Amiuĉi «

Ĉirkaŭi grandskale; ĉirkaŭi la oponantan ŝtonaron de malproksimen. Kontraŭe al geta (reto) la oponanta ŝtonaro ankoraŭ povas eskapi. Nigra 1 en la diagramo estas ekzemplo de amiuĉi.

Ana «

Liko; malfortaĵo en pozicio, tra aŭ per kiu la oponanto povas enpenetri aŭ eskapi. En la diagramo estas montrata fina pozicio de la ludo, en kiu ankoraŭ ekzistas 5 likoj en lokoj proksimume markitaj per leteroj a ĝis e.

Aoru «

Ataki per ĉevala meto (keima); ĉasi la alikoloran ŝtonaron meton post meto per ĉevalaj saltoj (vidu ĉe tobi), ekz. kiel nigraj 1, 3, 5, 7 kaj 9 en la diagramo.

Appaku «

Alpremo; per movoj 1 kaj 3 Nigro premas Blankon al la rando de la tabulo.

Arasu «

Dezertigo; rabi, detrui, dissegi la oponantan teritorion.

Arigatai «

"Dankon"-meto; meto kiun oni ŝatus fari kaj al kiu oni estis devigita, ekzemple per aĝi-keŝi (misdevigo).

Arimasen «

Kurtigo de "ŝikata ga arimasen", laŭvorte proksimume "nenio plu farendas"; per tiuj vortoj oni rezignas go-partion. Vidu ankaŭ makemaŝita kaj nageru.

Aŝi-baja «

Rapida moviĝo; meto kiu okazigas rapidan disvolviĝon de pozicio.

Aŝida «

Malnova, nuntempe apenaŭ uzata sinonimo por geta.

Aŝi ga hayai «

Rapida disvolviĝo de la ludo. Laŭvorte: "havi longajn krurojn".

Atama ga date iru «

Rapidiĝi komenci centran batalon.

Atama o dasu «

Moviĝi centren.

Atari (アタリ) «

• Stato de ŝton-ĉeno karakterizata de tio, ke la ĉeno havas nur unu spiron (dame).

• Meto, kiu forprenas la antaŭ-lastan spiron de alikolora ŝton-ĉeno (= ate).

En la diagramo estas montrataj kelkaj ekzemploj de atari. Blankaj metoj sub numero 1 ĉiuj estas atari-metoj, kiuj metas la koncernajn markitajn nigrajn ŝtonarojn en atari-staton. Per a estas markitaj la lastaj spiroj (dame) de la nigraj ŝtonaroj en atario. Se Blanko okupas ankaŭ ilin, li kaptas la ŝtonojn. (En angulo la blanka 1 mem estas sub atari.) Vidu ankaŭ rjoo-atari (duobla atario).

Rim.: Ŝajnas, ke en la japana lingvouzado atari havas nur la unuan signifon, kaj ate estas uzata por la dua. Sed atari kiel internacia vorto havas ambaŭ signifojn (kvankam tio estas iom mallogike), do Esperanto ankaŭ sekvu tiun tradicion.

Atario «

Esperanta termino por atari. Eble eĉ simpla ataro, (atari kiel i-vorto) estas preferinda. Ankaŭ mordi, karesi kaj kaĵoli estis proponitaj.

Ate «

Sinonimo de atari.

Ate-cugi «

Kombino de la metoj ate (atario) kaj cugi (ligo); blankaj 1+3 (aŭ 1+a) en la diagramo estas ate-cugi.

Ate-kaeŝi «

Kontraŭ-atario; respondo al atario per atario. Blanka 2 en la diagramo estas ekzemplo de ate-kaeŝi.

Ate-nobi «

Kombino de la metoj ate (atario) kaj nobi (kresko). Blankaj 1 + 3 en la diagramo estas ate-nobi.

Atekomi (当て込み) «

Kejlo; meto tuŝante nur 2 alikolorajn ŝtonojn metitajn diagonale. En la diagramoj ambaŭ metoj sub numero 1 estas atekomi.

Ateru «

Atarii, forpreni antaŭ-lastan spiron (dame) de ŝton-ĉeno.

Atome «

Dum Edo-erao (1603–1868) heredanto de la estro (iemoto) de unu el la kvar plej gravaj go-domoj: Honinboo, Hajaŝi, Inoue kaj Jasui.