O

Oiageru «

Iom post iom regajni avantaĝon; plimalgrandigi la oponantan avantaĝon. Sinonimo de oikomi.

Oikomi «

Sinonimo de oiageru.

Oi-otoŝi (追い落とし) «

Tekniko kapti "voston" de oponanta grupo per sinsekvo el enĵetoj (hoorikomi) kaj atarioj kreante ĉe la oponanto spir-mankon (dame-zumari) tiel, ke li ne povas konekti ĉiujn siajn ŝtonarojn. Ekzemplo estas montrata en la diagramo: blankaj 1 + 3 estas oi-otoŝi; Nigro ne povas konekti (cugi) sur 1.

Oi-otoŝi estas pli formala termino por bata-bata kaj ton-ton.

Okaŝii «

Strange, amuze.

Oki (置き) «

Enmeto; meto sur vitalan punkton (kjuuŝo) inter la oponanta grupo, plej ofte kun la celo mortigi ĝin kreante mortan okul-spacon (nakade). Nigra 1 en la diagramo estas oki.

Oki estas unu de du ĝeneralaj metodoj mortigi grupon. La alia estas mortigi per krifo (hane) – hane-goroŝi.

Oki-go (置き碁) «

Handikapa goo. La pli malforta ludanto prenas Nigron kaj metas du ĝis naŭ ŝtonoj sur stelaj punktoj (hoŝi) sur tabulo antaŭ la unua movo. En alia, pli libera formo de handikapo Blanko simple pasas por certa nombro de siaj movoj ĉe komenco de la partio.

Oki-iŝi (置き石) «

Handikapa ŝtono.

O-konomi go «

Eksterplana kastela ludo (o-ŝiro go) ludata pro persona peto de ŝoguno dum Edo-erao (1603–1868).

O-konomi taikjoku «

Neoficiala kastela ludo dum Edo-erao (1603–1868) ludata por amuzi spektantojn.

Omoi (重い) «

Peza, prizorgenda. Priskribas ŝtonaron, kiu havas malefikan formon kaj nur malgrandan potencon krei du okulojn (me). Komparu kun karui (malpeza).

Omoi-gataĉi «

Peza (omoi) formo; komparu kun karui-gataĉi (malpeza formo).

Omoi-iŝi (重い石) «

Pezaj ŝtonoj. Tiaj ŝtonoj ne havas bonan okul-formon kaj tial povas facile esti atakataj. Se en ekzempla diagramo por karui-iŝi (malpezaj ŝtonoj) Blanko ludas 1, Nigro povas pezigi la blankan ŝtonaron per movoj 2 ĝis 6.

Onide «

Vidu kiŝu.

Oo- (大) «

Prefikso kun signifo "granda", "larĝa", "pli longa", ktp.

Oo-ba (大場) «

Granda (grandvalora) punkto; punkto ĉe la limo de la influo (gaisei) aŭ iom trans ĝi, kies okupo dum komencado ĝenerale estas tre profita. Certasence malo de dame-ba (vaka punkto) aŭ magusa-ba (paŝtejo). Nigraj 1 kaj 3 kaj blankaj 2 kaj 4 en la diagramo estas ekzemploj de oo-ba.

Oo-dokoro «

Parto de la go-tabulo, en kiu oni povas fari grandvaloran meton.

Oogeima (大桂馬) «

Ĉevalego, ĉevalega formo, ĉevalega movo; formo montrata en la diagramo. Vidu keima (ĉeval(et)o) kaj daidai-geima (grandega ĉevalo). Vidu ankaŭ oogeima-tobi ĉe tobi.

Oogeima-gakari (大桂馬ガカリ) «

Vidu ĉe kakari.

Oogeima-gake «

Kake (kovra meto) en la formo de oogeima. Blanka 1 en la diagramo estas oogeima kake.

Oogeima-ĝimari (大桂馬ジマリ) «

Vidu ĉe ŝimari.

Oo-jose «

Frua ("granda") jose (finaĵo). Frua fazo de finaĵo, kiam la punktoj ankoraŭ estas relative grand-valoraj.

Oo-mokuhazuŝi «

Punkto 6-3 (kaj ĉiuj simetriaj).

Oo-mojoo «

Granda mojoo, mojoego.

Oo-nadare (大ナダレ) «

Vidu ĉe nadare.

Oonaka-konaka (大中小中) «

Kapt-konkuro de la speco "granda okulo kontraŭ malgranda okulo" inter du unu-okulaj grupoj. Grupo kun pli granda okulo (me) havas kelkan avantaĝon.

Ooŝu (応手) «

Respondi.

Oo-takamoku (大高目) «

Angula punkto 6-4 (kaj ĉiuj simetriaj). Laŭvorte "granda alta punkto".

Oozaru-suberi «

Vidu ĉe saru-suberi (salto de simio).

Orikiri «

Subeniro al la unua linio. Sinonimo de sagari-kiri. Blanka 1 en la diagramo estas orikiri. Ĉi tie ĝi ankaŭ mortigas la grupon, sed por esti orikiri tio ne nepras.

Oriru «

Subeniri. Vidu sagari.

Osae (オサエ) «

Baro; tuŝ-meto simila al hane (krifo), kiu preventas kreskon (nobi) de oponanta stonaro en certa direkto. Nigra 1 en la diagramo estas osae. Vidu ankaŭ la ekzemplon ĉe nidan-osae (duobla osae).

Osamari-gataĉi «

Stabila formo; formacio, kiu ankoraŭ ne estas entute viva, sed kiu tamen havas egan potencon krei okulojn (me) kaj pro tio almenaŭ nuntempe estas ekster danĝero.

Osu te naŝi «

Ne povi atarii oponantan ŝtonaron, ĉar tiam ankaŭ propra ŝtonaro estus mem atariita.

Oŝi «

Puŝo; meto kiel nigra 1 en la diagramo. Ĝi "puŝas" al blankaj ŝtonoj devigante blankan 2.

Oŝi-cubuŝi «

Kateni aŭ premi; meto, kiu fiksas la pozicion kiel nigra 1 en la diagramo.

O-ŝiro go «

Kastela ludo antaŭ ŝoguno dum la Edo-erao (1603–1868).

Oteai «

Antaŭ nelonge ĉesigita turnira sistemo de gradigo por japanaj go-profesiuloj de Nihon Ki-in kaj Kansai Ki-in.

Ova (オワ) «

Kurtigo de ovari, "preskaŭ finita"; do, la ludo ankoraŭ daŭras, sed la rezulto jam povas esti antaŭvidata. La terminon inventis fama inventinto de la terminoj japana profesiulo Kaĝivara Takeo.

Oza «

Unu el la sep gravaj japanaj titol-konkursoj subtenata de la japana gazeto Nihon Keizai Ŝinbun.