F

Fuĝi-te «

Sekreta, sigela meto; la lasta meto antaŭ interrompo de go-partio (uĉi-kake), kiu ne estas montrata al la oponanto ĝis la partio estas daŭrigita plue.

Fukai «

Invadi tro profunde la oponantan mojoon celante redukti ĝin, kio kondukas al malfacilaĵojn eskapi. Blanka 1 en la diagramo estas ekzemplo: Nigro severe kontraŭbatalas per 2 kaj 4. Ĝuste por Blanko estis komenci per meto sur a aŭ 2.

Fukumi «

Implicita meto aŭ minaco, kiu ankoraŭ ne estis ludata.

Fukurami «

Arkigo; meto, kiu faras tigron (neko no kao) el ikken-tobi (vidu ĉe tobi), t.e. ĝibon aŭ flekson (ĝenerale en la direkto supren) en linio de samkoloraj ŝtonoj. Nigra 1 en la diagramo estas fukurami. Sinonimo de fukure. Komparu kun kake-cugi.

Fukure «

Sinonimo de fukurami.

Fumi-komi «

Enrompiĝi (laŭvorte "enpaŝi").

Furi «

Malavantaĝo. Malo de ri.

Furikavari (フリカワリ) «

Interŝanĝo, ŝanĝ-negoco. Ekzemplo estas montrata en la diagramo: Blanko lasis al Nigro teritorion en la angulo por la eblo grand-space kapti la markitan nigran ŝtonon.

Furoŝiki (フロシキ) «

Tuko, kiun oni uzas por envolvi ion, ekz. valoran donacon. Rilate al goo signifas trogravigitan formon.

Furueru «

Ludi nenecese singarde ĝenerale provante teni avantaĝon en la ludo.

Fusegu «

Defendi la propran pozicion kontraŭ atako aŭ invado.

Fuseki (布石) «

Formaciado; tio, kion oni faras en la komenca fazo de go-partio. Normale estas definita kiel daŭra ĝis la unua batalo. Vidu ankaŭ ĝo-ban.

Fusenpai «

Perdi partion pro kontraŭregula ago. Vidu fusenŝoo.

Fusenŝoo «

Gajni la partion pro kontraŭregula ago de la oponanto. Vidu fusenpai.

Fuŝi «

Fuŝo, difekto. En la diagramo nigra pozicio post mov-sinsekvo blanka 1 ĝis nigra 3 havas difektojn a kaj b.

Fuŝi vo cukeru «

Krei difektojn en oponanta pozicio.

Futa «

Kovrilo de go-ŝtonujo. Dum la ludo oni metas en ĝi la kaptitajn ŝtonojn (hama).

Futokoro «

Okul-spaco, spaco por okul-farado; interna spaco de grupo kiu devas vivi per si mem, t.e. per sia propra okul-spaco. Tiukaze gravas la grando kaj la formo de okul-spaco. Povas enhavi alikolorajn ŝtonojn. Laŭvorte "spaco inter vestaĵo kaj korpo".

En la diagramo: provante vivigi sian grupon, Nigro unue kreas kiel eble plej grandan okul-spacon per metoj 1 kaj 3.

Vidu ankaŭ nakade.

Fuusa «

Blokado; meto, kiu fermas la pozicion tiel, ke alikolora grupo ne plu povas eskapi en la centron. Nigra 1 en la diagramo estas fuusa.

Fuusa-suru «

Pli grandspaca blokado (fuusa). Nigra 5 en la diagramo estas ekzemplo de fuusa suru.